Ka disa celebrities që më mirë mos ti kesh në lagje, sado të preferuar t’i keni! Çdo muaj dhjetor, një agjenci e pasurive të paluajtshme bën një sondazh në Amerikë, se cilët do të ishin personazhet e famshëm që do dëshironin t’i kishin komshinj dhe cilët jo.
Sipas sondazhit është këngëtari kanadez Justin Bieber si personazhi i famshëm më i padëshiruar në lagje. Bieber në 2014-n ka kryesuar gjithashtu listën e komshinjve më të këqij. Ndërkohë në vendin e dytë renditej Rob Kardashian dhe Blac Chyna, të pasuar nga Tom Cruise, Taylor Swift dhe Tom Brady.
Ndërsa komshinjtë më të dëshiruar janë familja e presidentit Barack Obama, e cila mban vendin e parë ndërsa në vendin e dytë renditet aktori i famshëm Dwayne “The Rock” Johnson.
