Teksa qyteti shtrëngon kufizimet e hyrjes për udhëtarët ndërkombëtarë për të parandaluar koronavirusin, karantina në Hong Kong për yllin e Hollywood-it, Nicole Kidman nuk ka qenë e detyrueshme.
Kidman, e cila udhëtoi për në Hong Kong javën e kaluar nga Sydney u përjashtua nga një karantinë njëjavore dhe u pa në qytet këtë javë duke filmuar një seri të re të Amazon Prime Video të titulluar “Expats”.
Në një deklaratë të dhënë së fundmi, qeveria tha se kishte dhënë përjashtimin “me qëllim të kryerjes së punës së caktuar profesionale”.
“E favorshme për ruajtjen e funksionimit dhe zhvillimit të nevojshëm të ekonomisë së Hong Kong-ut”, u tha në deklaratë.
Por kjo solli reagime të shumë dhe disa ligjvënës të Hong Kong-ut kritikuan vendimin.
“Rasti i përjashtimit të Nicole Kidman nuk ka të bëjë vetëm me politikën, ai përfshin çështjen e sigurisë shëndetësore dhe është një çështje padrejtësie,” tha ligjvënësja Priscilla Leung.
Përsa i përket jetës së saj personale, martesa 15-vjeçare e Nicole Kidman dhe bashkëshortit të saj Keith Urban e ka një sekret të jetëgjatësisë së saj, i cili mund të jetë edhe fakti që Keith di ta ndajë jetën personale nga ajo profesionale.
Në një epsiod të “Daily Pop”, aktorja rrëfeu se partneri nuk e ka aspak problem kur asaj i duhet të interpretojë në një skenë dashurie para kamerës.
