Prej muajsh të tërë në media është folur për lidhjen e bujshme të reperit Stresi me partneren e tij, Keisin.
Pas fejesës, dyshja u nda për arsye që mbetën të paditura për publikun, mirëpo ajo që kuptuam gjatë gjithë kësaj kohe është fakti që Stresi dhe Keisi e kanë ruajtur respektin për njëri-tjetrin.
Pikërisht ky respekt mund të jetë rruga drejt ribashkimit të çiftit, i cili po na habit çdo ditë e më shumë.
Vetëm 3 ditë më parë ata kujtuan Shën Valentinin e festuar me njëri-tjetrin, ndërsa tani Keisi ka marrë sërish rolin e mbështetëses më të madhe të Stresit.
Reperi ka publikuar këngën e tij të re me Alborën, të titulluar “Kujtimet” dhe gjejeni pak ç’bëri Keisi?
Sigurisht që e publikoi në InstaStory!
Megjithëse nuk e ka etiketuar ish-partnerin e saj, fakti që publikoi këngën e tij të re do të thotë shumë.
“Suksese“- shkruan Keisi krahas emrit të Alborës, duke e shoqëruar me emojin e një duartrokitjeje.
Duket se gjërat po marrin rrjedhën e duhur dhe nuk është për t’u habitur që Keisin dhe Stresin mund t’i shohim sërish çift!
