Ndonëse lajmi për shtatzëninë e saj kishte qarkulluar që gjatë stinës së verës, vetëm dy ditë më parë Eleni Foureira konfirmoi gjithçka.
Këngëtarja me origjinë shqipatre ndau me ndjekësit e saj në Instagram disa foto ku dukej krah partnerit me barkun e rrumbullakosur. Më të lumtur se kurrë se do të bëheshin prindër Alberto Botia dhe Eleni pozuan duke buzëqeshur.
Mirëpo si u njoh, shqiptarja që jeton në Greqi dhe ish-futbollisti i Barcelonës?
Romanca midis çiftit simapatik ka nisur që në vitin 2016. Sikur të ishte e planifikuar, Botia atë vit udhëtoi drejt shtetit fqinj me shokët e skuadrës, ku njëri ndër to ishte edhe futbollisti shqiptar, Pajtim Kasami.
Ka qenë pikërisht ky i fundit, i cili ka prezantuar dyshen me njëri-tjetrin. Ndonëse Alberto dhe Eleni u munduan ta mbajnë larg syrit të publikut romancën e tyre, vetëm një vit më vonë ato u “kapën mat” gjatë pushimeve të tyre në ishullin grek, Naxos.
Në vitin 2018, u përfol për një krizë të mundshme midis çiftit.
Kjo erdhi pasi Eleni Foureira ishte e përkushtuar ndaj punës dhe turneut të saj botëror pas Eurovizionit, ndërsa Alberto Botia ishte në Spanjë.
Mirëpo ja ku jemi sot dhe as puna as distanca nuk mundën ta shbënin dashurinë e tyre. Dyshja atë njohje në Greqi, sot e kanë çuar deri në krijimin e familjes së tyre të vogël.
