Kim Kardashian tregoi me krenari fotot e saj të fundit, por “Twitter” nuk është aspak i impresionuar.
36-vjeçarja paraqitet si Jackie Kennedy për revistën “Interview” dhe kjo ishte e mjaftueshme për të provokuar zemërimin e fansave të Zonjës së Parë të ndjerë.
Dhe nëse risjellja e ikonës së dashur nuk ishte e mjaftueshme për të ndezur një reagim, përdoruesit e “Twitter”-it gjithashtu dëshironin të dinin se pse ngjyra e lëkurës së Kim ishte e errët që të përputhej me atë të vajzës së saj North, babai i së cilës është reperi Kanye West.
Reagimet e komentuesve ishin të ndryshme, nga “Kjo është gjëja më qesharake që kam parë”, “’Ky është një turp” apo “Ti nuk je Jackie O”.
Kim pozon me vajzën e saj 4-vjeçare për serinë e fotografive, që na kthehen në Shtëpinë e Bardhë të Kennedy-t në fillim të viteve 1960.
Por media sociale menjëherë nisi të pyeste pse lëkura e 36-vjeçares, e cila është me prejardhje armene dhe britanike/holandeze, duket njësoj me atë të vajzës së saj, e cila ka një ngjyrë më të errët.
“Pse e kanë errësuar lëkurën e saj?”, “Që kur Kim ka të njëjtën ngjyrë lëkure me vajzën e saj”, ishin disa nga pyetjet e komentuesve.
Ndërsa të tjerët u ndienë të fyer se Kim, e cila u bë e famshme falë një video ku bënte seks, u pagëzua si “Zonja e re e Parë e Amerikës” nga revista.
E pyetur për të rritur një “vajzë të miksuar me ngjyrë” Kim tha: “Ajo është e fiksuar me flokët e saj kaçurrelë dhe nëse ajo gjen dikë që ka të njëjtat flokë, ajo shkon tek ata dhe u thotë “I ke flokët kaçurrelë si unë?”. Dhe ne duhet të flasim për këtë”.
Burimi: Daily Mail
