Shapkat dhe sandalet e mbuluara me qime pelushi mund të kenë qenë këpucët më në modë të verës, duke pasur parasysh ato Fenty të Rihannas, por tashmë që jemi në prag të pranverës, këpucët me pellush janë trendi më i ri që do të pushtojë zemrat tuaja.
Ferragamo, McQueen, Dolce & Gabbana zgjodhën të vinin me koleksionin e tyre të mrekullueshëm të pelushit të vendosur kudo, që nga çantat e deri të këpucët. Kështu, këpucët me gëzof ose pelush do t’i shihni kudo këtë vit, duke qenë se janë trendi më i përhapur.
Pas Lori Hoxhës dhe Arminës, një tjetër shqiptare e famshme që ka përqafuar këtë trend, është Dua Lipa. Në një foto të publikuar në Instagram, ajo i ka vendosur në plan të parë një palë shapka me takë të lartë katrore, që janë të mbushura me gëzof të verdhë dhe që duken shumë të ngrohta.
