Montana është bërë shteti i parë amerikan që ka ndaluar aplikacionin TikTok për të gjithë qytetarët e saj. Guvernatori i Montana-s, Greg Gianforte, e ka nënshkruar zyrtarisht dokumention ligjor.
“Për të mbrojtur banorët e Montana-s, të dhënat personale dhe private nga Partia Komuniste Kineze, e kam ndaluar TikTok-un në Montana,”-u shpreh Gianforte.
Vendimi i ri ua ndalon kompanive ofrimin e këtij aplikacioni nga 1 janari i vitit të ardhshëm, si dhe e parandalon TikTok-un nga operimi si biznes në shtet.
Për secilën ditë që kjo platformë do të jetë e qasshme, pas fuqizimit të ligjit, ofruesit e aplikacionit do të duhet të paguajnë gjobë prej 10.000 dollarësh.
Përdoruesit nuk do të gjobiten dhe ata që e kanë përdorur aplikacionin në të kaluarën nuk do të preken nga vendimi.
TikTok-u nuk ka reaguar ende ndaj këtij ndryshimi ligjor.
