Sot ishte hera e dytë që lokali në Currila i reperit Noizy digjen nga flakët e qëllimshme, ndërsa Policia mundi të identifikojë dhe arrestojë autorin e ngjarjes.
Në prangat e policisë ka rënë shtetasi Eraldo Musteqja, kushëri me reperin Noizy.
26-vjeçari i arrestuar rezulton të jetë autor i zjarrit të qëllimshëm ditës së sotme, zjarrit të rënë në të njëjtin lokal më datë 11 qershor dhe zjarrit në derën e banesës së nënës së Noizyt më datë 10 qershor.
Në momentin e arrestimit, atij i është gjetur dhe sekuestruar një thikë.
Vetë Noizy ka ndarë në llogarinë e tij në Instagram foto të kushëririt të tij, që siç thotë është rritur nga familja e Noizy-t. Megjithatë, Eraldo duket se ka qenë gjithmonë problematik, pasi që në fëmijëri ndryshoi fe dhe u bë besimtar ekstremist.
Madje, justifikimi i tij për zjarrvënien e qëllimshme kishte qenë ndalimi i alkoolit dhe muzikës, pasi janë haram.
“Ky është Eraldo, i rritur nga familja ime qe në fëmijëri, Eraldo ndërroi fe, u bë një besimtar ekstremist, dhe kishte besime të forta se lokalet sduhet të shesin alkol dhe se muzika është haram. Prandaj vendosi që të bëjë atë akt terrosit.
Gjithsesi jeta vazhdon, unë dhe familja ime jemi të gjithë mirë. Uroj që Eraldo të bëhet më mirë dhe të kuptojë gabimin. Unë smund ta urrej sepse jam rrit me të, ia kam lënë në dorë Zotit dhe drejtësisë.
The beautiful @zins_durres është shumë mirë dhe përherë do të jetë mirë. Ziliqar dhe keqbërës do të ketë përherë, por varet sa i fortë qëndron ti dhe se si e menaxhon situatën. Love you lil bro ❤️”- ka shkruar Noizy.
