Cili është celulari më difektoz? Përgjigjja vjen vetëm dy javë pas prezantimit të pajisjes “Galaxy Note 7”. Dy celularë të tillë kanë marrë flakë në Kinë, sipas disa raportimeve në rrjetet sociale. Sipas tyre “smartphone”-t kishin probleme me baterinë në të gjithë botën. Nëse konfirmohen, këto do të jenë incidentet e para në tregun më të madh të celularëve në botë.
Njëri nga personat që ka denoncuar djegien e “Samsung”-ut të tij tha se, telefoni nisi të nxehej, të dridhej dhe më pas shpërtheu duke nxjerrë tym të zi. “Samsung”-u e kontaktoi pronarin e këtij celulari, duke i propozuar që t’ia merrte aparatin në këmbim të rimbursimit, por ai nuk pranoi.
“Samsung”-u prezantoi versionin e fundit “Note 7” në Kinë më 1 shtator, edhe pse pati raste të telefonave që merrnin zjarr në vende të tjera të botës. Ditën tjetër, “Samsung” njoftoi se do të ndalonte shitjet e “Note 7” në 10 shtete.
*Shfleto galerinë
