Mbrëmjen e djeshme në emisionin “Opinion” në TV Klan është prezantuar një kuzhinier i njohur, i cili ka gatuar edhe për mbretëreshën e Anglisë. Ismet Shehu është një ndër kuzhinierët më të mirë në Shqipëri dhe ishte i ftuar në këtë emision për të folur rreth kuzhinës tradicionale shqiptare dhe trendeve të kulinarisë.
Ai ndau me teleshikuesit disa receta pikante që gatuan në kuzhinë. Gjatë bisedës Ismeti rrëfeu edhe një prej eksperiencave më të mira të fillimit të karrierës së tij. Në kohën kur ai studionte në Londër, në “Weston University”, i është dashur të gatuante edhe për mbretëreshën e Anglisë, Elisabet.
Në vitet 2009-2010, ai u zgjodh si studenti më i mirë dhe me këtë rast do të gatuante për Mbretëreshën. Ky fat nuk mund t’u binte të gjithëve, ndaj edhe Shehu e konsideron një prej eksperiencave të tij më të mira. Po cila ka qenë receta?
“Ka qenë e gjitha me peshk, gatimi i gjithë me peshk”, tha Shehu për atë eksperiencë.
