Kryeministri Edi Rama ka paralajmëruar të gjithë qytetarët që u larguan drejt Korçës apo Pogradecit prej të premtes mbrëma, që të kthehen të Tiranë pas mesnatës së të dielës, por jo më vonë sesa ora 8:00 e mëngjesit.
Në një njoftim në Facebook, kreu i qeverisë ka bërë me dije se personat që banojnë në Tiranë dhe Durrës, duhet të mos planifikojnë lëvizje jashtë perimetrit në fillimin e javës së ardhshme.
Ai thekson se këta persona mund të mos rihyjnë dot në qytet dhe mund të mos kthehen në shtëpitë e tyre nëse nuk zbatohen këto masa shtrirja e të cilave me sa duket do të vijojë!
Pasi kryeministri Rama lajmëroi dje ndalimin e qarkullimit në fundjavë të automjeteve private dhe çdo lëvizje tjetër, një pjesë e kryeqytetasve u dyndën për t’u larguar nga Tirana, duke rrezikuar kështu përhapjen e Koronavirusit drejt qyteteve të tjera, të cilat deri më tani nuk kanë asnjë rast infektimi.
Statusi i Ramës:
?KUSH BANON NË TIRANË/DURRËS DHE ËSHTË LARGUAR PËR FUNDJAVË TË GJATË NË KORÇË OSE GJETKË, TË SIGUROHET TË HYJË NË PERIMETRIN E BLINDUAR GJATË HAPJES SË RRUGËVE HYRËSE, PAS MESNATËS TË SË DIELËS DHE JO MË VONË SE ORA 08.00 E MËNGJESIT.
? KUSH BANON NË TIRANË/DURRËS DHE ËSHTË AKTUALISHT BRENDA PERIMETRIT, TË SIGUROHET QË TË MOS PLANIFIKOJË LËVIZJE JASHTË PERIMETRIT NË FILLIMJAVËN E ARDHSHME (DUKE SHFRYTËZUAR HAPJEN E RRUGËVE NGA E DIELA NE MESNATË DERI TË HËNËN NË 08.00) SEPSE MUND TË MOS RIHYJË DOT!
SIPAS TË GJITHA GJASAVE PERIMETRI TR/DR DO TË MBYLLET PËRSËRI!
? FRIKË JO, KUJDES PO!
