Sot, këngëtarja e njohur shqiptare Vesa Luma ka mbushur 34 vite jetë dhe kjo ditë speciale e ka gjetur në vend të huaj.
Prej kohësh Vesa, partneri Big Basta dhe vogëlushi i tyre po jetojnë në Zelandën e Re.
Megjithatë, këtë ditëlindje për Vesën nuk kanë munguar urimet e shumta që kanë nisur që në mesnatë dhe e kanë lumturuar këngëtaren.
Në morinë e urimeve, vëmendjen e tërhoqi shkrimi i partnerit të saj të jetës, Big Basta.
Reperi kishte publikuar në rrjete sociale një foto të Vesës, krahas së cilës shkruante fjalët më të veçanta:
“Sot eshte ditelindja e zemres sime Vesa Luma.. Nuk harrohen momentet qe kemi kaluar dhe po kalojme bashke, ato premtimet e bukura ne netet e gjata nen driten e henes qe pasqyronte ne fytyren tende. U dashurova me ty qe ne momentin e pare dhe cdo dite e me shume me shtohet dashuria. Te falenderoj per gjithcka qe je dhe per qe je kaq perfekte, nje nene e shkelqyer, grua dhe shoqe e pazevendesueshme! Te uroj ti gezosh dhe 1000 ditelindje te tjera me emer dhe 100 tjera me jete! Te dua!”
E lumtur nga ky urim, këngëtarja e ndau në llogarinë e saj në Instagram dhe e falenderoi publikisht partnerin.
“Jeta ime është e përmbushur kur kam mbretin tim afër! Të dua shumë jetë!”- shkruante Vesa
