Aktori i njohur, Will Smith ka marrë së fundmi një mbështetje shumë të madhe nga disa VIP-a mjaft të famshëm, që janë edhe miqtë e tij. Pas shuplakës famëkeqe në Oscars, Will ka ftuar disa miq në një shfaqje private të filmit të tij më të ri “Emancipation”. Por kush ndodhej në shfaqjen private të tij? Pikërisht, Rihanna, Dave Chappelle, Tyler Perry, Asap Rocky etj.
Will dukej mjaft i qeshur mes miqve të tij teksa shkrepte një ‘selfie’ me ta.
“Natë epike. Faleminderit që ishit për të parë Emancipation. Shpresoj që jeni kënaqur”, theksoi aktori i njohur.
“Kjo natë ishte magjike dhe filmi juaj është me të vërtetë diçka që do të zgjasë përgjithmonë”, shkroi një koment Kenya Barris.
Pas 4 muajsh heshtje, Will Smith më në fund vendosi të fliste për shuplakën që i dha Chris Rock-ut në Oscar. Një moment që askush nuk do ta harrojë kurrë. Imazhi i tij për sa i përket karrierës u njollos nga ajo që bëri por ka gjithmonë shpresë që ai të rikuperohet. Ky nuk është një rast si Bill Cosby apo Louis CK, të cilët në fakt bënë gjëra që mund të konsiderohen krime.
Will Smith pati një moment dobësie ku reagoi në mënyrë të dhunshme pasi mendoi se po mbronte nderin e gruas së tij. Nuk e bën të drejtë atë që ai bëri, por ka lëshime. Pavarësisht gjithë kësaj, Smith është kritikuar ashpër se sa e pakëndshme ishte video kërkimit të faljes dhe sa shumë sforcarej të fliste për incidentin.
