Pak orë pas tragjedisë në Velipojë, ku një i ri u mbyt në det, është zbardhur identiteti i plotë i tij.
30-vjeçari u mbyt në det në Velipojë në përpjekje për të shpëtuar të fejuarën e tij.
Ervid Palaj, 30 vjeç, ishte bashkë me të fejuarën e tij në plazh, ndërkohë që kjo e fundit rrezikoi të mbytej nga dallgët.
Në përpjekje për ta shpëtuar atë, duke e mbajtur në sipërfaqe të ujit, i riu humbi jetën. Pavarësisht se viktimës, një punonjës social, pushuesit i dhanë ndihmën e parë, ai nuk mundi të mbijetonte.
“Panorama” ka mundur që të sigurojë një foto të viktimës, i cili humbi jetën tragjikisht. Kjo është viktima e dytë në Velipojë që nga fillimi i këtij sezoni turistik, ku ashtu si edhe në shumë plazhe të tjera të vendit shqetësim mbetet mungesa e rojeve të plazhit.
