“Blendi Fevziu është Klani”, kjo batutë e thënë nga Ermal Mamaqi, është më tepër e vërtetë sesa shaka.
Blendi Fevziu identifikohet me televizionin Klan, por gjithashtu edhe Klan-i identifikohen me Fevziun. Prej 20 vitesh, “Opinion” është një ndër emisionet më të ndjekura në televizionet shqiptare.
Fevizu gjatë karrierës së tij të gjatë në ekran, ka preferuar vetëm dy televizione, RTSH-në dhe Klan-in. Kjo nuk ka ardhur sepse Fevziu nuk ka pasur oferta nga televizionet e tjera, por sepse ai ka një lidhje shpirtërore me televizionin ku punon, dhe prandaj ka vendosur t’i qëndrojë besnik atij.
Gjithsesi, i ftuar në emisionin “Pasdite në Top Channel”, Blendi ka treguar një ofertë që i ka ardhur në një mënyrë vërtet të çuditshme.
“Më ka ndodhur diçka shumë interesante. Më kanë çuar për drekë në restorant, dhe sollën me vete një valixhe me pagën e një muaji për të më bindur”, është shprehur Fevizu.
Fevizu normalisht që nuk e ka pranuar, jo se nuk i nevojiten paratë, por sepse puna që ai bën në Klan i jep atij kënaqësi.
