Prestigjiozja “Time” e ka cilësuar lëvizjen #MeToo ose “thyesit e heshtjes”, si “Njeriun e Vitit” për 2017-n. Lëvizja #MeToo është një lëvizje e mediave sociale, që tregon sesa njerëz kanë qenë viktima të ngacmimeve seksuale.
“Këta “thyes të heshtjes” kanë filluar një revolucion të refuzimit, duke mbledhur forcën gjatë ditëve dhe dy muajt e fundit, zemërimi i tyre kolektiv ka nxitur rezultate të menjëhershme dhe tronditëse: pothuajse çdo ditë, janë shkarkuar drejtuesit ekzekutivë, ikonat janë poshtëruar. Në disa raste janë ngritur akuza penale”, shkruan revista.
Shumë persona citohen në artikull, përfshirë Ashley Judd, e cila foli për Harvey Weinstein dhe Taylor Swift, e cila u shpreh kundër DJ-it që e kishte prekur nga të pasmet.
“Mendova që nëse do të ishte mjaft i pacipë që të më sulmonte në ato rrethana të rrezikshme, imagjinoni se çfarë mund të bëjë ai me një artiste të pambrojtur, nëse i jepet shansi”, tha Taylor për revistën,
“Fillova të flisja për Harvey-in në minutën që ndodhi. Saktësisht, dola nga dhoma e hotelit në vitin 1997 dhe zbrita në holl, ku babai im ishte duke më pritur, për të më vizituar gjatë setit. Dhe ai arriti ta kuptonte nga fytyra ime, që më kishte ndodhur diçka shkatërruese. I thashë ai dhe ua thashë të gjithëve”, tha Ashley.
Burimi: Just Jared
