Para pak ditësh, Ledri zbuloi se së shpejti do të publikojë një këngë të re. Ai ndau në Instagram një video të tij, në të cilën shfaqet duke kënduar e kërcyer me këngën ere. Ky projekt duket se do të jetë mjaft ritmik e me siguri do të jetë hiti i kësaj vere.
Së fundmi, ai ka zbuluar datën dhe orën e lancimit të këtij projekti nëpërmjet një postimi në Instagram, ku shfaq një sekuencë nga videoklipi i këngës.
“Shihemi me t’18tin, n’ora 20:00”, ka shkruar Ledri krahas postimit.
Mesa duket pritja do të marrë fund vetëm pas pak ditësh.
View this post on Instagram
Vetëm pak ditë pas publikimit të një sekuencë të shkurtër të kësaj kënge, vihet re se ky projekt muzikor, u bë hit ende pa u publikuar. Fansa të shumtë të reperit po bëjnë video në TikTok dhe rrjete të tjera sociale duke e kënduar.
Para pak javësh u përfol se Ledri dhe Morena mund të vijnë në një bashkëpunim me njëri-tjetrin. Shkak për dyshim u bë një koment, që reperi la në një foto të Morenës. Këngëtarja publikoi në Instagram, një foto nga Dubai dhe krahas saj shkroi:
‘Kush e di?!!’
Menjëherë të gjithë vunë re komentin e Ledrit, i cili ju përgjigj pyetjes së Morenës: “Unë e di”.
Tashmë do të na duhet të presim publikimin e këngës dhe të mësojmë nëse bëhet fjalë apo jo për një bashkëpunim mes dy këngëtarëve
