Tashmë Johnny Depp i është rikthyer jetës së tij duke qenë mjaft aktiv me koncerte por jo vetëm. Pasi fitoi gjyqin kundër Amber Heard, ai mesa duket po e shijon jetën.
Së fundmi, ai u pa duke dalë në Itali të dielën, teksa performoi në Festivalin e Jazz-it “Umbria” së bashku me mikun e tij, rokerin e famshëm Jeff Beck.
Tashmë, dyshja performojnë së bashku për më shumë se një muaj.
Mirëpo, aktori është filmuar dhe fotografuar së fundmi, teksa është parë në rrugë nën shoqërinë e një femre mjaft tërheqëse.
Në të vërtetë, kjo vajzë misterioze dukej se ishte e vetmja që udhëtonte me Johnny-n… ku një moment u fotografua duke i dhënë atij një çantë.
Megjithatë, flokëkuqja misterioze mund të jetë edhe pjesë e stafit që punon në turne.
TMZ shkruan se ende nuk është e qartë se cila është marrëdhënia e tyre por duket se kjo grua është e lumtur teksa shoqërohet me aktorin.
Në fillim, fansat mendonin se mund të kishte diçka me aktorit dhe avokates Camille Vasquez, por tashmë dyshimet kanë lindur edhe për këtë grua misterioze.
Johnny, ndërkohë, duket mjaft i lumtur dhe i qetë ku po shijon sukseset e tij si dhe takimet e shumta me fansat.
