Big Mama është një nga artistet më interesante të skenës urbane italiane e cila më 15 prill publikoi Ep-in(format regjistrimi që përmban më shumë se një këngë, por nuk ka mjaftueshëm këngë për t’u konsideruar si album) e saj të parë, me titullin e guximshëm: “Next big things”.
Për vite me radhë, muzika ishte mburoja e artistes, veçanërisht kundër paragjykimeve publike, edhe para se të bëhej e tillë.
Siç ka treguar në disa intervista, Big Mama është bullizuar për peshën e saj që kur ishte fëmijë. Kjo histori e destabilizoi rritjen dhe bëri që artistja ta ketë të vështirë pranimin e trupit të saj. Artistja e konsideron si një stimul që i garantoi agresionin në muzikë, diçka që tashmë ishte e mundur të dëgjohej në “77”, por edhe në “Lights Off” dhe “Amsa”.
Egërsia e kritikave u shtua edhe më shumë, kur këngëtarja e re shprehu identitetin e saj seksual si ikonë e LGBTQ+, duke e treguar hapur që ka prirje biseksuale. Diçka që ishte e mundur të rijetohej edhe në botën e muzikës, veçanërisht në Ep-in e saj, ku nuk mungojnë “Poker” dhe “Note”.
“Poker” dhe “Note” tregojnë historinë e dy marrëdhënieve në dy momente të ndryshme, e para me një burrë dhe e dyta me një grua.
