Arba Kokalari është shqiptarja e parë që ulet në Parlamentin Europian.
Eurodeputetja shqiptare jeton në Suedi dhe është pjesë e partisë së Moderuar, e cila ka fituar 17.6 % të votave, duke siguruar katër eurodeputetë në PE, mes të cilëve edhe Kokalarin.
Por kush është Arba Kokalari?
Ajo ka lindur në Tiranë më 27 nëntor 1986 dhe është vajza e madhe e dy prindërve Bardh e Arjana Kokalarit si dhe mbesa e Musine Kokalarit, veprimtares politike të shekullit të 19-të në Shqipëri.
Kjo e fundit u diplomua në “La Sapienza” të Romës në vitin 1941, por u dënua dhe internua më vonë nga regjimi komunist i Enver Hoxhës në Shqipëri dhe vdiq në vitin 1983.
Arba është angazhuar në politikë që në moshën 16-vjeçare. Ajo jeton prej vitesh në Stokholm ku ka mbajtur postin e sekretares ndërkombëtare të grupimit rinor të Partisë së Moderuar.
