Për blogeren e njohur shqiptare, Lori Hoxha, e shtuna ishte një ditë feste. Pavarësisht temperaturave të ulta që kanë përfshirë Tiranën këto ditë, ajo ka dalë për të shijuar një natë jashtë.
Përmes një fotoje të publikuar në Instastory, Lori ka treguar edhe veshjen e saj. Një fustan prej tyli të hollë i zi, i ngjashëm me atë që Kim Kardashian veshi në tapetin e kuq të MTV Video Music Awards 2016, më 28 gusht 2016. Kim rrëfeu në atë kohë se fustani i saj nga John Galliano ishte zgjedhja e minutës së fundit.
Kjo gjë besojmë se nuk ka ndodhur me blogeren shqiptare, e cila kujdeset shumë për paraqitjen, dhe është kthyer në një frymëzim për femrat që e duan dhe e ndjekin modën. Me sa duket Lori nuk ka gabuar aspak në zgjedhjen e saj, pasi i shkon shumë dhe paraqitja e saj nuk ka kaluar pa u vënë re.
