Lady Gaga do të luajë rolin e Donatella Versace-s në sezonin e tretë të” American Crime Story” që flet për vrasjen e vëllait të saj, Gianni nga një vrasës serial.
Producenti Murphy ka thënë se Lady Gaga është e lindur për të luajtur këtë rol. Gjithashtu, Gaga është mikeshë me Versace-n në jetën reale dhe flet me shumë respekt për të.
“American Crime Story”, sezoni 3, do të fillojë xhirimet së shpejti. Roli në këtë film për Lady Gaga-n do të jetë një ndër performancat kryesore në jetën e saj.
Ndërkohë, Antonio Banderas është përfolur si aktori që do të luajë Gianni-n në filmin biografik.
Sezoni i quajtur paraprakisht “Versace / Cunanan: American Crime Story”, do të bazohet në librin e vitit 1999 të shkrimtarit të “Vanity Fair”, Maureen Orth.
Versace ishte vetëm 50 vjeç kur u vra. Ai kishte shkuar i vetëm në restorantin e tij të preferuar në Miami kishte marrë një gazetë italiane dhe kur kishte hapur portën në vilën e tij, Andrew Cunanan, 27 vjeç, e qëlloi për vdekje dy herë në kokë.
