Goca, një lajm i gëzueshëm vjen nga Turqia, por nuk e dimë pse na vjen për të qarë!
Aktori Baris Arduç ka vendosur t’i japë fund beqarisë pasi mediat turke kanë shkruar së fundmi se ai do të martohet këtë javë me partneren e tij, Gupse Ozay.
Sipas shtypit vendas, Gupse dhe Baris do të martohen në Çeshme, aty ku po kalojnë pushimet dhe do ftojnë vetëm 5 persona për shkak të pandemisë së Covid-19 që nuk lejon grumbullimet.
Megjithatë, në planet e çiftit është edhe një martesë e madhe dhe siç u ka hije atyre vitin e ardhshëm pas kalimit të pandemisë.
Baris, aktori me origjinë shqiptare, u bë i njohur në vendin tonë nga telenovelat “Dashuri me qira” dhe “Kuzgun”, duke u kthyer në një nga figurat më të dashura të publikut shqiptar.
Ai dhe Gupse Ozay janë në një romancë prej 6 vitesh dhe kjo e fundit ka luajtur në shumë filma e seriale, por asnjëri prej tyre nuk është transmetuar në Shqipëri prandaj edhe nuk njihet nga publiku shqiptar.
Lidhja e Baris Arduç me Gupse Ozay nuk është pritur edhe aq mirë nga fansat e aktorit. Megjithatë ai është shprehur se është shumë i dashuruar dhe këtë e vërteton edhe fakti që aktori e mbështet shumë partneren. Baris Arduç është 32 vjeç ndërsa Gupse Ozay 35 vjeç.
