Në një rrëfim prekës dhe mes lotësh, Meriton Mjekiqi ka treguar historinë e djalit të tij, Loarit për të cilin nuk ka folur apo dhënë kurrë më parë detaje publikisht. Ai shprehet se nuk ka qenë i pranishëm kur ai ka ardhur në jetë dhe për shkak të pandemisë apio problemeve me nënën e tij, nuk ka mundur të jetë pranë tij. Moderatori nga Kosova zbuloi ndër të tjera se djali i tij vuan nga spektri i autizmit.
“Është një kauzë që s’e kam folur asnjëherë, djali im është me autizëm”, tha ai.
“Kam shumë emocione kur flas për djalin tim sepse kam muaj që se kam dëgjuar as nuk e kam parë. As në kamer as nga afër. Unë nuk kam qenë i pranishëm kur më ka lindur djali. Për herë të parë jam ulur në gjunjë dhe e kam parë përmes telefonit për shkak se nuk kemi patur viza për të shkuar ër ta parë pas lindjes së tij. Kërkoj falje që s’kam mundur të jem pjesë e lindjes së djalit. Për shkak të pandemisë dhe disa problemeve që ka patur nëna e tij, unë e kam parë djalin kur ai ka qenë 2 vjeç. E kam shumë të vështirë të flas. Takimi i parë, një vogëlush kaçurrel i bukur. Kam patur probleme me mamin e djalit dhe s’mund të tregoj. Më ka marrë malli, do doja të shikoja ndonjë video, ndonjë pamje të tij. Loari një ditë do bëhet burrë dhe do kuptojë edhe ndarjen tonë. Do ulemi dhe do i kërkoj falje për shumë gjëra. Do mundohem të jem shembull imirë për djalim tim. Çdo gjë që e bëj e bëj për Loarin dhe njerëzit që i dua më shumë”, rrëfen ai.
