“Heart Attack” ishte bashkëpunimi më i ri i Noizy-t dhe Loredanës, i cili rezultoi një sukses i vërtetë dhe arriti të grumbullojë miliona klikime në ‘Youtube’. Jo vetëm kaq por dolën dyshime se dyshja mund të ishin në një lidhje së bashku.
Së fundmi në një video virale në ‘Tik Tok’ mund të shohim Mozzik teksa dëgjon këngën e tyre. Ai është i ulur në një kafene e në sfond është e vendosur kënga e Loredanës dhe Noizyt por reperi nuk reagon aspak. Epo mesa duket as ai nuk mund t’i shpëtojë këngës e cila është kthyer menjëherë në hit e po dëgjohet kudo.
Kujtojmë se kënga u publikua në të njëjtën ditë me bashkëpunimin tjetër mes Tayna-s, Mozzik dhe Butrintit që titullohej “Pare”dhe pati një “luftë klikimesh” mes artistëve. Ishte Noizy ai që ka thumbuar këngëtarët dhe ngre dyshime se klikimet e këngës “Pare” po blihen.
“Mos harroni diçka, shohim se kush është trending vendin e parë. Trending nuk blihet”, shkruan Noizy.
Më pas, reperi ka publikuar edhe profilin e Denis Avdiu, i cili është pjesë e “AVD Digital”. Noizy shkruan: “Ky është kingu që shpëton këngëtarët me klikime nga Pluto dhe Jupiter”.
Noizy nuk e lë me kaq por vijon me një tjetër “Instastory”, i cili shkruan: “Edhe UFO-t ja kanë me na njoft”.
Por nuk mungoi reagimi nga Tayna dhe Mozzik. Ata kanë publikuar pikërisht këngët që janë “trending” në të gjithë botën dhe për momentin bashkëpunimi “Pare” ndodhej në vendin e 14-të.
