Katie Holmes është e emocionuar për premierën e “Alone Together”. Aktorja, regjisorja dhe shkrimtarja ndau në Instagramin e saj lajmin se filmi i saj do të jepte premierë në Festivalin e Filmit Tribecca, një nga ngjarjet kulturore më emblematike në qytetin e Nju Jorkut.
Holmes e ndau lajmin përmes Instagramit të saj, ku falënderoi bashkëaktorët dhe bashkëpunëtorët e saj për përvojën.
View this post on Instagram
“Jam shumë e nderuar dhe e emocionuar që ndaj filmin tonë,” shkroi ajo
Festivali i filmit do të zgjasë nga 8 deri në 19 qershor dhe përfshin një sërë filmash nga e gjithë bota.
“Ky program i filmit artistik të vitit 2022 na la krenarë dhe të përulur nga zgjuarsia dhe pasioni i pakufishëm i komunitetit tonë të palodhur të regjisorëve,” tha drejtoresha e festivalit dhe zëvendës presidentja e programimit Cara Cusumano.
“Zgjedhjet zyrtare të këtij viti na kujtojnë përsëri vitalitetin dhe urgjencën e filmit të pavarur në një botë që ka nevojë për të më shumë se kurrë.”
“Alone Together” përshkruhet si një histori dashurie e Covidit, ku shfaqen dy persona që rezervojnë të njëjtën “Airbnb” dhe detyrohen të karantinohen së bashku ndërsa pandemia përparon. Është filmi i dytë i Holmes si regjisore dhe skenari i saj i parë me metrazh të gjatë. Në të luajnë Melissa Leo, Jim Sturgess dhe Zosia Mamet.
