Edicioni i dytë i ‘Big Brother Vip Kosova’ sapo ka nisur dhe banorët janë vënë në lëvizje për të njohur më mirë njëri-tjetrin. Një nga personazhet më interesantë është padyshim transgjinorja Edona James e cila ka marrë vëmendjen e banorëve të tjerë me historinë e saj të jetës.
Së fundmi ajo ka treguar para vajzave një periudhë sa të vështirë po aq edhe tronditës të jetës së saj. Kur ishte 21 vjeçe i dashuri i saj me të cilin kishin 2 vite të lidhur kishte kryer vetëvrasje. Siç tregon ajo, një ditë kur ishte kthyer nga puna, e ka gjetur atë të pajetë në shtëpinë ku ata banonin.
“Unë e lashë punën për tre muaj dhe s’kishim pare me ble sene, dhe i kam thënë, ti s’ke pare me më mbajtë mua. Fillova prapë punën, e kur u ktheva, ai kishte bërë vetëvrasje”, rrëfehet Edona.
