Ndoshta pak prej jush e mbajnë mend, por Estela Ujka e ka nisur karrierën e saj si prezantuese.
Ndonëse tani ajo është një ndër blogeret më të famshme shqiptare, në fillimet e saj Estela ka qenë prezantuese.
E për të na i sjellë edhe një herë në kujtesë ato kohë, blogerja ka publikuar në Instastory disa foto të 20 viteve më parë.
Ajo shfaqet duke pozuar me bikini për një kopertinë të asaj kohe dhe duhet thënë se Ujka ka qenë në super formë.
Sigurisht me disa kile më pak pasi tani ajo është nënë e tre vajzave.
“20 vite më parë, kur nuk ekzistonin filtrat e as fotoshopi”, shkruan Estela tek njëra nga fotot.
Në disa foto të tjera ajo pozon mjaft e ëmbël dhe veshja e saj bie shumë në sy. Estela ka ditur gjithmonë të jetë ‘in’ me kohën dhe 20 vite më parë ajo mban në kokë në kapele të llojit “bereta” të kuqe, e cila kohët e fundit është rikthyer në modë.
Momentalisht Estela është duke korrur suksese në karrierën e saj si blogere, pasi ja ka dalë të bashkëpunojë me marka të njohura kozmetike ose veshjesh.
