A e dini se disa femrat më të bukura të showbiz-it shqiptar janë kopje e prindërve të tyre. Ka mjaft raste në të cilat bukuria është “trashëguar” nga nëna tek e bija.
“ICONstyle” ka përzgjedhur disa nga personazhet më të njohura të ekranit shqiptar që kanë një ngjashmëri të paparë me nënat e tyre.
1. Argjentina Ramosaj është një ndër këngëtaret më tërheqëse shqiptare që ka mahnitur jo vetem me zërin por edhe me bukurinë e saj. Për këtë sigurisht që meritat i kanë genet. Nëna e saj, Suzana, me profesion fotografe, njihet gjithashtu për format e veta trupore. Kur pozon pranë së bijës, ajo duket shpesh herë si motra e saj.
2. Adelina Tahiri është një ndër këngëtaret më seksi shqiptare. Bukuroshja nga Maqedonia ka pohuar se nuk është e vetmja anëtare e familjes që është tepër seksi. Teuta, nëna e Adelinës, sipas kësaj të fundit është mjaft e bukur dhe joshëse.
3. Motrat Vjollca njihen gjithashtu për bukurinë e tyre joshëse në ekranin shqiptar. Por në fakt ato janë katër motra, Lira e madhja, Marseda dhe Marina e Luana. Duken si një familje e madhe femërore, por në fakt ato reflektojnë bukurinë e nënës së tyre, për të cilën thonë se është heroina e familjes.
4. Inis Gjoni është një ndër femrat më të hijshme shqiptare. Ajo është nëna e një vajze të vogël që quhet Coco Antonel dhe që i ngjan shumë Inisit. Inisi ka publikuar shpesh herë disa fotografi ku shihet e veshur njëlloj me vajzën e saj, si dy pika uji.
5. Albërije Hadërgjonaj ka dy vajza shumë të bukura, Agnesa dhe Anxhelina. Kjo e fundit është përpjekur të ndjekë rrugën e së ëmës në muzikë. Ajo jeton në SHBA, ndërsa vajza e madhe Agnesa është bërë nënë dhe i ka dhuruar statusin “gjyshe” Albërijes. Të dyja vajzat njihen për bukurinë e tyre që me sa duket e kanë në gen.
Burimi: ICONstyle/ Instagram
