Inteligjenca është ajo që merr vlerësim më të lartë tek femrat në krahasim me tiparet e tyre fizike, në rastin kur një mashkull është duke kërkuar për partneren e tij.
Të paktën kështu thotë një studim i bërë së fundmi në Cambridge, sipas të cilit kur djemtë mendonin për vajzën që do ta donin si partneren e një jete dhe nënën e fëmijëve të tyre, gjëja e parë që vlerësonin ishte inteligjenca.
Profesorë të ndryshëm nga Universiteti i Cambridge u shprehën se zgjuarsia dhe intuita ishte cilësia që tërhiqte më shumë burrat sepse tregonte se partnerja që kishin zgjedhur do të ishte një prind i aftë në të ardhmen. Ajo gjithashtu tregon se një grua e tillë është rritur në një familje të shëndetshme dhe ka patur një fëmijëri të mirë. Kjo shpjegon fare mirë pse George Clooney përfundoi duke marrë për grua e tij avokaten e njohur të të drejtave të njeriut, Amal-in.
“Gjoksi i madh nuk ka rëndësi dhe as këmbët e gjata. Ajo ç’ka kërkojnë ata është inteligjenca. Ajo iu transmeton siguri dhe i tërheq, duke treguar se të tilla vajza do të jenë nëna plotësisht të përgjegjshme”, u shprehën ata.
Burrat janë gjithashtu të dhënë pas simetrisë fizike dhe asaj të fytyrës, pasi diçka e tillë i transmeton gjene të qëndrueshme.
