“Vetëm nëse kthehesh sërish në formë”, ky ishte kushti që Trump i vendosi bashkëshortes, e cila dëshironte të kishte fëmijë.
Presidenti aktual i SHBA-ve kishte frikë se shtatzënia do t’i prishte trupin gruas. Sipas librit “Brenda martesës Trump: Barra e Melanias”, Donald Trump mendonte se Melania nuk ishte më si në fillimet e marrëdhënies së tyre. Sipas tij, në moshën 35-vjeçare gratë fillojnë e humbasin freskinë.
“Gjashtë muaj pas martese, ajo mbeti shtatzënë me djalin Barron dhe gjërat ndryshuan.”, shkruhet në këtë libër.
“Një vizitor i një prej shtëpive të Donald Trumpit, kujton se ky i fundit u kishte treguar se kishte rënë dakord për fëmijën me kusht që Melania të kthente format e mëparshme trupore. “Ajo i premtoi se gjithçka do të kthehej ashtu siç ishte më parë.”, tregon miku, “ishte si një lloj kontrate.” Sipas këtij burimi, Donald Trump jo vetëm ishte shpërfillës, por fare i pavëmendshëm.
“Nuk e pyeste ndonjëherë: “Si je? Si ndihesh? Nuk ia hapte ndonjëherë derën, nuk kujdesej se mos ajo pengohej dhe binte. I përsëriste vazhdimisht: “Beben e deshe vetë.”
