Kur bashkëshorti ka disa vite më shumë mbi supe se bashkëshortja, ky nuk duket të jetë aspak problem në shoqërinë shqiptare. Por kur femra është më e madhe në moshë se mashkulli kjo gjë mbetet për t’u diskutuar. Kur të dy janë personazhe të njohura për publikun kjo temë bëhet edhe më e nxehtë.
Më poshtë keni disa shembuj të çifteve ku bashkëshortet kanë një diferencë më të madhe moshe se partneri i tyre. Të tria çiftet që kemi përzgjedhur janë ndër më simpatikët që ekzistojnë, të bekuar me harmoni mes tyre. Ata janë edhe prindër madje që e bën familjen e tyre edhe më të konsoliduar.
Aurela Gaçe dhe Skerdi
Këngëtarja Aurela Gaçe dhe bashkëshorti i saj Skerdi kanë një diferencë moshe prej dy vitesh. Është vetë Aurela që e ka treguar në një status të nevrikosur në Facebook, pas martesës së tyre, në vitin 2013, ku i kishin ardhur në majë të hundës komentet që ishte martuar me një djalë më të ri. Aurela dhe Skerdi, që ka qenë dhe vazhdon të jetë menaxheri i saj, kanë një marrëdhënie të konsoliduar në jetë dhe në art.
Miranda dhe Eraldi
Pas Aurela Gaçes, një tjetër grua e talentuar dhe me energji që ka një bashkëshort më të ri sesa veten, është Miranda Dupi. Arti është fusha që i ka bashkuar. Erald Llakaj është basist profesionist, ndërsa Miranda është njeriu që kuron imazhet e shumë personave të njohur të skenës, Elhadia Dani, Alban Skënderaj, apo Juliana Pasha, që është kunata e saj, pasi bashkëshorti i Julit, Altini është vëllai i madh i Eraldit.
Ami dhe Ermali
Ata kanë një diferencë të papërfillshme moshe, që mund të përmendet vetëm nëse dikush dëshiron të bëjë humor me këtë dhe, njeriu që bën humor, nuk mungon në çiftin e tyre, kështu që të tjerët, nga jashtë, nuk kanë pse shqetësohen. Ata janë dy bij marsi, Ami ka lindur më 5, ndërsa Ermali më 21. Viti 1982.
