Mary Katrantzou prezantoi koleksionin e ri të veshjeve vjeshtë/dimër 2017, që dukeshin si një ndërthurje e fantazisë së Disney-t dhe filmave të animuar të vitit 1940.
Nuanca spektakolare të ngjyrave dhe modeleve, si dhe printime lulesh dhe dizejnosh të tjera në 3 D, që duken sikur dizajnuesja kishte jetuar në një nga këto habitate natyrore, u prezantuan në Javën e Modës në Londër. Në këtë koleksion, kishte veshje me figura të printuara, me peizazhe të huazuara nga filmat vizatimorë si Sirena e Vogël, Tringëllima dhe Centauri.
Disajnuesja e lindur në Greqi me bazë në Londër, Mary Katrantzou, ndërthuri botën e saj të fantazisë me copat e mëndafshit, tylin, puplat dhe pellushat me ngjyra. Katrantzou në fakt ka bashkëpunuar me Disney-n për veshje të shumta nga fustanet kadife të shkurtër, te fustanet e gjatë të mbrëmjes, me pamje përrallore dhe ekzotike dhe peizazhe të largëta lindore.
Me çmimet Oscars që do të mbahen fundjavën e ardhshme, çdo aktore që nuk e ka zgjedhur ende një fustan, do të bënte mirë t’i hidhte një sy koleksionit të Katrantzou. Me imazhet e krijesave mitologjike, figurat e printuara në 3D, në pëlhurat e qiellit blu, këto fustane do të frymëzojnë këdo që do të shkelë në tapetin e kuq.
*Shfleto galerinë
Burimi: Vogue
