Kylie Jenner ka folur hapur për ndjesinë e të qenit nënë dhe karrierën e saj të begatë, në një intervistë për revistën gjërmane “Interview”.
Në një rrëfim të sinqertë, 21-vjeçarja miliardere, foli për të ardhmen e vajzës së saj Stormi për të cilën tha se do të jetë ajo që do të vendosë nëse do të dojë të shfaqet në ekran.
Bukuroshja brune e cila është nëna e vajzës Stormi me reperin Travis Scott, u shpreh se: “Do të pres derisa ajo të jetë rritur mjaftueshëm për ta marrë atë vendim për veten”.
Ylli i reality show-t foli gjithashtu për zgjerimin e familjes:
“Unë dua më shumë fëmijë, por nuk kam asnjë plan që në të ardhmen e afërt të kem një fëmijë”.
Në janar, Kylie hodhi gjithashtu poshtë të gjitha thashethemet për një shtatzëni të dytë me një “Jooo”, të madhe.
