Në korrik të vitit 2019 u zbulua lidhja e moderatores Nevina Shtylla me juristin Arbër Myftari, një djalë shumë simpatik me të cilin moderatorja është e lidhur prej vitesh.
“Nevina dhe Arbri jo vetëm që kanë një lidhje të gjatë dhe shumë të fortë mes tyre, më shumë sesa 3-vjeçare, por bashkëjetojnë prej më shumë se një viti në Tiranë”, shkruante “Panorama Sport” në 2019-n.
Moderatorja pranoi se ishte në një lidhje dashurie, pa preferuar të japë më shumë detaje, duke u përpjekur që jetën e saj private ta mbajë larg syrit të publikut.
Së fundmi, Nevina zhvilloi një bisedë virtuale me ndjekësit e saj në InstaStory, ku iu përgjigj disa prej pyetjeve të tyre.
Një ndër to ishte dhe ajo në lidhje me planet që ka bukuroshja për të ardhmen.
“Kur do martohesh?”, i shkroi ndjekësi.
“Pas teje e kam radhën”, iu përgjigj Nevina duke konfuzuar kështu ndjekësit pa ju dhënë shumë detaje.
Nevina nuk është shfaqur kurrë në rrjete sociale me partnerin për të mos marrë vëmendje për këtë pjesë, ndaj ka pasur dyshime se ajo mund t’i ketë dhënë fund lidhjes disavjeçare.
Mirëpo, më herët Nevina ju ka mbyllur gojën të gjithëve, teksa ka publikuar për herë të parë një foto me të dashurin e saj përkrah.
Dikush nga ndjekësit e ka pyetur moderatoren: “Vazhdon të jesh single?”. “Po”, është përgjigjur ajo me ironi, teksa ka publikuar foton me partnerin, që i dallohet vetëm një pjesë e fytyrës.
