Celebrities shqiptare gjithmonë “mësojnë” nga të huajat! Paraqitja e tyre është ajo që e tregon më shumë këtë fakt.
Këngëtare apo moderatore ato kanë zgjedhur që të marrin shembullin e më të mirave.
Ajo që vumë re së fundmi të gjithë ishte stili i ri i këngëtares Elvana Gjata me Beyoncen. Me publikimin e këngës “Njësoj” mediat dalluan ngjashmërinë në videoklip me Drake dhe Pia Mia, por veç kësaj u përfol për modelin e njëjtë të flokëve më këngëtaren me famë botërore Beyonce. Fansat nuk ngurruan që t’ia bënin këtë kritikë, duke kërkuar origjinalitetin e saj dhe Elavana vendosi që t’ua plotësonte këtë dëshirë. Ajo iu rikthye flokëve natyrale!
Moderatorja Luana Vjollca është kapur gjithmonë “mat”, duke u paraqitur me veshjet e celebrities të huaja. Në shënjestër të saj kanë qenë tre personazhe, këngëtarja Rihanna, me veshjen e të cilës u paraqit në videoklipin e fundit, motra e Kim Kardashian, Kylie Jenner.
Ndërsa Bleona Qerreti është ndër të paktat që pranon se frymëzohet nga më të mirat. Ajo postoi një foto ku shfaqet e veshur me të njëjtin fustan si Beyonce, ndërsa përbri fotos shkruan: “Dy femra të fuqishme, të pavarura”.
Pjesë e listës është edhe Marina Vjollca, e cila veshi një kostum të ngjashëm në prerje dhe në kompozim me veshjen që supermodelja Miranda Kerr veshi në 2 maj në tapetin e kuq të Met Gala 2016. Veshja e Miranda Kerr ishte dizajnuar nga Louis Vuitton. Ajo e kishte kombinuar me një palë këpucë të zeza me majë. Por Marina e solli këtë veshje në një stil klasik, ndërsa Miranda dukej më gotike me buzët në ngjyrë të errët dhe flokët e hequr krejtësisht nga fytyra.
Po të kthehemi pas në kohë, mund të kujtojmë këngën e parë të Anxhelina Hadërgjonaj. Për ironi të fatit, në këngën e titulluar “Kopje pa kuptim”, Anxhelina shfaqet me një veshje të ngjashme me atë të Rihanna-s.
Burimi: Iconstyle
