Ajo është shumë joshëse pavarësisht moshës dhe ka një të kaluar të njohur në fushën e modelingut. Donald Trump i vlerëson shumë hiret e bashkëshortes së tij të tretë Melani, ndërsa kujtoi si “padashje” se dikur ajo ka guxuar shumë me paraqitjet nudo.
“Donald Trump mendon se gruaja e tij do të jetë një Zonjë e Parë modele dhe ja ku është prova”. Kështu nis artikulli i “The New York Post” i titulluar “Melanie Trump ashtu siç nuk e keni parë asnjëherë”, ku janë publikuar foto të zonjës Trump të bëra për “Max Magazine” në janarin e vitit 1996.
Në një nga fotot, modelja e lindur në Slloveni është duke pozuar në Manhanatan në një varkë dhe e veshur vetëm me veshje plazhi. Ndërsa në një foto tjetër, ajo shfaqet në krevat, së bashku me një femër tjetër. Por ka edhe foto më të guximshme ku paraqitjet vetëm me një palë këpucë.
“Melania ishte shumë e mirë, ajo ishte fantastike dhe tepër e sjellshme me mua”, tha për “The New York Post”, Alé de Basseville, fotografi që realizoi këto foto nudo të Melanias.
Ai shton se ajo asnjëherë nuk është ndjerë në siklet ndërsa realizonin fotografitë. Revista pyeti edhe vetë Donald Trump rreth fotove të zhveshura të rinisë së bashkëshortes së tij.
“Melania ishte një nga modelet më të njohura dhe ajo ka bërë shumë fotografi, përfshirë edhe katër kopertina të revistave të mëdha. Këto fotografi janë realizuar për një revistë europiane. Në Europë foto si këto janë shumë në modë dhe të zakonshme”, deklaroi Trump.
Dy dekada më parë, Melanie Knaus nuk ishte njohur me Trump dhe në atë kohë punonte si modele.
*Shfleto galerinë
Burimi: Daily Mail
