Për të gjithë kuriozët, modelja Adrola Dushi ka ndarë publikisht disa nga të pathënat dhe “sekretet e vogla” nga jeta e saj, në një intervistë pa doreza për “Prive”. Ndër të tjera, Adrola ka rrëfyer se ka 3 vese të këqija kur është e stresuar.
“Kur unë jam super e stresuar, kam 3 vese që e di që s’janë të mira realisht. Njëra është që unë ha thonjtë dhe prandaj tani i mbaj me xhel, që të mos i ha se më thyhen dhëmbët.
E dyta, është që kafshoj faqet.
E treta është diçka që mua m’a marrin si flirt njerëzit, por realisht unë kur përdredh flokët nuk jam fare aty, jam në botën tjetër. Ky është vesi im që fëmijë, që nuk e heq dot. Por nuk kam asnjë arsye tjetër përveçse është moment kur jam e stresuar.”- ka treguar modelja.
Gjithashtu, Adrola rrëfeu se në një tjetër moment në jetë, kur të jetë më e stabilizuar, do të dëshironte të kishte shumë fëmijë.
“E kam ëndërr realisht, që kur një ditë unë të jem e stabilizuar, sepse tani nuk jam më e stabilizuar me jetën time, të kem sa më shumë fëmijë. Një skuadër futbolli ta kem aty. 1, 2, 3, 4, 5… 10 fëmijë dua të kem. Edhe shpresoj t’i kem, dashtë Zoti!”- është shprehur Adrola.
