Nëse do të udhëtoni të premten e 11 janarit nga Italia drejt Shqipërisë dhe anasjelltas, do të duhet të merrni masat. Kjo pasi do të kenë vonesa dhe anulime fluturimesh, për shkak të protestave që do të zhvillohen në aeroportet e Italisë.
Autoriteti i Aviacionit Civil njofton se unionet e kontrollorëve të trafikut ajror në Itali do të mbajnë një grevë 4-orëshe, nga ora 13:00 deri në orën 17:00.
Gjithashtu, Autoriteti i Aviacionit Civil u bën apel pasagjerëve që kanë rezervuar për të udhëtuar ditën e nesërme që të kontaktojnë me agjencitë ku kanë marrë biletën dhe kompaninë ajrore, për t’u njohur me statusin e fluturimit në mënyrë që të evitojnë pritjet e gjata.
