Udhëtimi ynë këtë fundjavë është pak minuta larg Tiranës. Keni dëgjuar ndonjëherë për Shëngjergjin?
Foto nga Adis Shera
Fshehur pas Malit të Dajtit, komuna Shëngjergj përmban 12 fshatra, të cilat edhe përse pak kilometra larg kryeqytetit jetojnë një tjetër realitet.
Foto nga Iconstyle.al
Menjëherë sapo kalon Malin e Dajtit, ndalesa e parë është në guroren e Qafë Priskës. Arti i ngjyrave i skalitur në gurë, menjëherë të tërheq vëmëndjen e nuk mund të ndalosh pa shkrepur disa foto.
Foto nga Gjergj Erebara
Udhëtimi vazhdon drejt Shëngjergjit, ku të shfaqet korniza e gjelbërt mes kodrave plot gjelbërim e lumit gjarpërues të Erzenit. Në parajsën e gjelbërimit, lokalet e zonës ofrojnë ushqimin bio buzë lumit. Menuja është e njëjtë, mish qingji, perimet e freskëta të zonës si dhe gjizë me vezë. Vetëm pak metra përmbi restoranteve, Bashkia e Tiranës ka ngritur tenda për këdo që dëshiron të bëjë piknik me familjen. Çdo tendë përmban tavolinë dhe stola, ndaj e vetmja gjë duhet të kujdesi të merni me vete janë ushqimet dhe topi.
E veçanta e Shëngjergjit është se ka gjithçka: pemët, lumin, shtëpitë e vjetra ai dhe ujvarën. Po është e vërtetë, mes kodrave të veshura me pemë, rrjedh ujë, të cilën vendasit e quajnë si Përroi i Trrogut.
Foto nga IconStyle.al
E dini se nga buron ujë “Shën Mëria” që vjen në Tiranë? Pikërisht në një nga fshatrat e Shëngjergji, të quajtur Shën Mëri (Shëmri e cilësojnë vendasit). Qëndra e këtij fshati është një xhami e një lokal modest, që është i vetmi argëtim për burrat e fshatit. Ndërsa gratë, vijojnë detyrat e tyre brenda shtëpive të ndërtuara me gurë e dërrasa, tipike të traditave shqiptare.
Foto nga Iconstyle.al
Fakte mbi Shëngjergjin:
Më parë Shëngjergji quhej “Krahina e Tomadhesë”. Sipas gjuhëtarëve, me fjalën “tamadhe” duhet të kuptojmë “Të mëdhenjtë”, pra “Krahina e të mëdhenjve”. Më vonë mori emrin Krahina e Shëngjergjit.
Përpjekjet për arsimin në Shëngjergj kanë ekzistuar edhe para vitit 1911. Të frymëzuar nga idealet e Lidhjes së Prizrenit, dega e Elbasanit, me anë e përfaqësuesve të tyre u lidhën me krahinën e Shëngjergjit për përhapjen e arsimit në gjuhën shqipe. Ku sipas një letre të Kristoforidhit më 1871 Shëngjergji e priti me shumë dashuri Abetaren e tij.
