Gjatë gjithë verës të gjithë kemi shëtitur sa në një plazh në tjetrin duke u kujdesur që të eksploronin sa më shumë vende të reja.
Mirëpo ndërkohë që verës po i vjen fundi dhe shumë shpejtë do të pasojnë edhe ditët me temperatura më të ulëta dhe me reshje shiu, “iconstyle.al’ ju sugjeron që këtë fundjavë të eksploroni një ndër mrekullitë e natyrës shqiptare.
Kjo është periudha ideale për të vizituar zonën turistike të Valbonës, një vend i karakterizuar nga legjendat e kreshnikëve, zanave të maleve dhe natyrës magjike.
Ku ndodhet kjo zonë turistike?
Valbona është një fshat në Alpet Shqiptare, 26 km larg nga Bajram Curri, rrethi i Tropojës. Për të shkuar në Valbonë duhet të ndjekësh rrugën drejt Bajram Currit (nga kryeqyteti) për të marrë tragetin e Komanit, ose përmes Rrugës së Kombit nga Kosova dhe sërish në kufirin tonë në Tropojë.
Çfarë na ofron kjo zonë turistike?
Valbona është një ndër atraksionet më të preferuara turistike në Shqipërinë e veriut. Lumi Valbona që kalon nëpër fshat dhe vet Lugina e Valbonës tërheqin shumë vizitorë duke i mrekulluar me natyrën magjike, por dhe historinë që e karakterizon këtë zonë.
Foto marrë nga Google Maps
Nuk mund të mos bien në sy edhe shtëpitë apline të ngritura përgjatë gjithë rrugës, të cilat banorët e zonës po mundohen që t’i përdorin për të akomoduar turistët e shumtë të huaj dhe vendas që vijën në këtë zonë turistike.
Foto marrë nga Google Maps
Të gjithë ata që e kanë vizituar shprehen njëzëri se është një ndër mrekullitë më të bukura natyrore që kanë parë ndonjëherë.
Majat e shumta në formën e kullave shkëmbore arrijnë deri në 2698 m lartësi mbi nivelin e detit, duke kulmuar me malin e Jezercës. Pyjet me dushk, ah, pishë dhe livadhet janë unike, por këto masive të virgjëra ruajnë brenda tyre edhe një botë shtazore të egër me ujq, dhi të egra, arinj, drerë, derra të egër, rrëqebuj, lepuj dhe plot shpendë ku pa dyshim mes tyre mbretëron shqiponja.
Gjithashtu edhe bota nënujore është tepër e pasur duke ngjallur kureshtjen e të gjithëve.
Nuk duhet harruar edhe mikpritja që i karakterizon banorët e kësaj zonë dhe ushqimet tradicionale që ata gatuajnë, sidomos flija që ka bërë për vete vendas e të huaj.
Fotot marrë nga @ermelinasyla
Çfarë mund të bëjmë gjatë kësaj fundjave në Valbonë?
Padyshim që do të jetë një fundjavë plot aventura e cila do të ngelet gjatë në kujtesën tuaj. Udhëtimi me traget është tepër aventureskë dhe plot adrenalinë.
Foto marrë nga @traveltime.tours
Eksplorimi i natyrës magjike mes majave të thepisura dhe ujërave të kristalta të lumit është po aq mbresëlënëse.
Gjithashtu do të keni mundësi të njiheni me traditat e zakonet e kësaj zone, por edhe me legjendat shekullore të kreshnikëve, të cilat janë tepër domethënëse.
Foto marrë nga @traveltime.tours
Përveç këtyre do të keni mundësi të shijoni edhe ushqimet tradicionale të kësaj zone. Mos ikni pa provuar flinë, por edhe mishin e pjekur.
Gjithashtu kjo është zonë ideale për të praktikuar sportin e ecjes dhe të ngjitjes nëpër shpatet e thepisura.
Piknikët në natyrë me shoqëruesit tuaj në këtë ditë janë të pa shmangshme dhe është një ndër gjërat që do të doni ta bëni përsëri.
Një shëtitje me kalë nuk duhet harruar sepse adrenalina që provon është e papërshkueshme.
Foto marrë nga Google Maps
Mbrëmjet e kaluar në shtëpitë tipike të kësaj zonë janë po aq të bukura, ku të moshuarit kujdesen që t’iu tregojnë “të ftuarve” të tyre special histori të vjetra dhe vështirësitë që ata kanë kaluar gjatë jetës së tyre.
Mund të laheni edhe në ujërat e kristalta të lumit të Valbonës, por kjo është për më të guximshmit, pasi janë ato janë relativisht të ftohta.
Foto marrë nga @goodlife_traveling
Çfarë duhet të marrim me vete?
Nëse dëshironi ta shijoni në maksimum këtë udhëtim ju sugjerojmë të visheni sport dhe sigurisht të merrni veshje të trasha me vete pasi pavarësisht se jemi në vere kjo është një zonë tepër e freskët.
Nëse nuk keni pronotuar një shtëpi paraprakisht me patjetër ju duhet një çadër kampingu.
Foto marrë nga Google Maps
