Bota ka nisur që të bashkohet për akuzën e Francës: Rindërtimin e Katedrales Notre Dame. Por nga ana tjetër prej dy ditësh vijojnë hetimet lidhur me zbulimin e shkakut, që i vuri flakën ndërtesës 850-vjeçare.
Nga dyshimet e para bëhet me dije se flakët nisën nga një aksident në ashensorin e kantierit të punimeve për mirëmbajtjen e Katedrales. Sipas mediave franceze, vatra e zjarrit mund të ketë qenë baza e majës së shkrumbuar, për t’u përhapur më pas në të gjithë çatinë.
Në momentin që nisi zjarri disa nga 200 punonjësit specialistë po punonin në Katedrale. Mësohet se kabllot dhe telat ishin lidhur me dhjetëra gjeneratorë.
Presidenti Emmanuel Macron tha pas ngjarjes se, rindërtimi i saj do të arrihet brenda 5 viteve, që përkon me vitin 2024 kur Parisi do të presë Lojërat Olimpike. Por nga ana tjetër ekspertët shprehen se do të duhen nga 10-15 vite për të realizuar rindërtimin e Katedrales.
