Spektakli “Ethet e së Premtes”, ishte një nga programet më të ndjekur në vitet 2000, kohë edhe kur kanë dalë këngëtarë të rinj që sot janë afirmuar në tregun muzikor shqiptar por jo vetëm.
Ndikimi i menjëhershëm që pati ‘Ethet e së Premtes Mbrëma’ në muzikën shqiptare u dëshmua me fituesen e edicionit të parë, Anjeza Shahini, e cila falë vokalit të saj arriti të shkonte edhe në “Eurovizion”.
Më pas Luiz Ejlli, fitues i ‘Ethet e së Premtes 2’, na përfaqësoi në “Eurovision”-in e vitit 2006. Megjithatë do të ishte Olta Boka, e cila nuk u kualifikua në finalen e ‘Etheve’, që do ta ç’bënte këtë besim duke fituar “Festivalin e Këngës” për të kënduar në “Eurosong”-un e vitit 2008 në Beograd.
Të tjerë konkurrentë të këtij spektakli talentesh na përfaqësuan në vazhdim në “Eurosong”. Kejsi Tola në vitin 2009, Rona Nishliu në vitin 2012, Hersi Matmuja në vitin 2014, dhe Elhaida Dani, e cila në edicionin e fundit, ‘Ethet 4’, pati të njëjtin fat me Olta Bokën duke mos u kualifikuar në finale.
Po ku janë sot konkurrentët e këtij spektakli. “ICONstyle” konstatoi se shumë prej tyre ndodhen jashtë Shqipërisë, të tjerë ndodhen në Shqipëri dhe janë figura të njohura të ekranit.
Anjeza Shahini jeton në Londër pas martesës me anglezin Paul Edward Conoly.
Luis Ejlli ëshët fejuar me vajzën e ish-kryetares së Kuvendit, Megi Topalli.
Klajdi Musabelliu mbetet një beqar tipik, që jo më larg se shtatori i vitit të kaluar ofroi 1 mln lekë (të vjetra) për një nuse. (Do t’i paguante xhaja)
Arbër Arapi dhe Marsida Saraçi janë martuar bashkë dhe janë bërë prindër të një vogëlushi.
Rosela Gjylbegu është përqëndruar në politkë. Vajza shkodrane nuk u ka shpëtuar dot paparacëve në ceremoninë e organizuar në ditën e Sulltan Novruzit, ku u fotografua në krah kryetarit të Kuvendit, Ilir Meta dhe vajzës së tij, Era. Ajo është bërë pjesë e administratës së Kuvendit.
Olta Boka Këngëtarja Olta Boka ka nisur një punë të re prej shtatë muajsh, koordinatore në qarkun e Tiranës.
Rona Nishliu Pas pjesëmarrjes në Eurovizion, me këngën “Sus”, Rona Nishliu vijon të jetë e fokusuar te muzika. Ajo është trajnere në “The Voice of Albania”.
Kejsi Tola Ndonëse paraqitjet e saj në ekran janë të rralla, kjo për shkak se preferon më shumë performimin live, prapëseprapë Kejsi mbetet besnike e muzikës.
Elhaida Dani Suksesi i Elhaidës në Itali dhe më pas si përfaqësuese e Shqipërisë në Eurovizion vijon te ketë jehonën e saj. Elhaida vijon me koncertet jashtë dhe brenda vendit.
Samanta Karavella po shijon sukseset e hiteve të njëpasnjëshme. Ajo ndodhet në Shqipëri dhe ka hyrë fuqishëm në tregun muzikor shqiptar.
Xhensila Myrtezaj po korr gjithashtu sukses në tregun muzikor shqiptar. Ajo është e fejuar me aktorin e Portokallisë Bes Kallaku dhe pritet që shumë shpejt të lidhë kurorë.
Elvana Gjata Këngëtarja është transferuar në SHBA, ku po punon me producentë të famshëm për të depërtuar në tregun botëror të muzikës.
Burimi: ICONstyle
