Në verë të gjithë kanë një qëllim: të bëjnë pushimet në vende sa më luksoze dhe t’ua bëjnë zili të gjithëve. Por ndërsa shumë prej jush po shqetësohen se ditët e verës po mbarojnë, ky nuk është aspak problemi i vajzave të njohura të ekranit shqiptar për të cilat pushimet nuk kanë fund.
Dikush show-girl, një tjetër modele, tjetra këngëtare, nuk zgjedhin vetëm verën për të pushuar, por dhe stinë të tjera.
Natyrshëm (siç e do zakoni), na lind vetëm një pyetje: Ku i gjejnë lekët këta persona? Apo sa e kanë rrogën?
Aurela Hoxha
Aurela e ka mohuar vazhdimisht që në pushimet e saj nuk ka fare dorë i dashuri i saj, sërish moderatoren e njohur e shohim në bregdetet e huaja më shpesh seç mund të shohim dikë tjetër. Madje, shprehje të tilla si: “Ika në Maldive”, “pushimet i kalova në Ibiza” janë kthyer në humor në rrjetet sociale duke qenë se Aurela ka udhëtuar shumë shpesh drejt këtyre destinacioneve.
Zaimina Vasjari
Për të pushimet verore nuk kanë stinë. Edhe në dimër, apo në ditë të tjera që për ne janë të zakonshme, këngëtaren mund ta shohim në Amsterdam, Maldives, Milano, Romë për të pushuar.
Françeska Jaçe
Ish-banorja e Big Brother gjithashtu kalon pjesën më të madhe të vitit me pushime. Por ajo vetë është shprehur se të gjitha shpenzimet ia paguan babi, në këtë rast duhet të pyesim të atin e saj për rrogën.
Dorina Gegiçi dhe Oriola Marashi
Janë ndër modelet më të përfolura të momentit dhe pavarësisht se kudo janë bashkë, nuk publikojnë foto krah njëra-tjetrës. Vetë Dorina u shpreh pak kohë më parë se modelet janë të varfra dhe nuk paguhen, ndaj jemi kuriozë si mund të bëjnë udhëtime gjithë vitin dy shoqet.
Dorina Mema
“Bodybuilding” dhe instruktorja e palestrës së fundi ndodhte për pushime në Katar. Gjithçka që mund të shohim është nga veshjet e shtrenjta te makinat dhe vendet luksoze.
