“Shumë portale e kishin marrë dhe e kishin shpërndarë, media online i bënin jehonë reagimit fyes të një prej personave, për të cilin unë kisha shprehur konsideratë jo pozitive në aspektin profesional”- tha Mentor Kikia në një tjetër status, pas deklaratës së parë për Luiz Ejllin.
Fajin ia paskërkan portalet Mentor Kikisë, për fjalët që shkroi me dorën e tij dhe nuk i duken aspak joetike, si gazetar dhe pedagog gazetarie që ushtron si profesion!
Madje, ai fut në të njëjtin thes të gjitha mediat, që së bashku me Kikinë e kolegë të shitur si ai, janë në fakt llumi i vërtetë i gazetarisë dhe i këtij vendi.
Pedagogu, që mëson brezat e rinj të ushtrojnë të lirë profesionin e tyre dhe është vetë i zhytur deri në fyt, s’e sheh aspak të arsyeshme ta tërheqë këtë deklaratë, duke gabuar edhe më tepër me këtë reagim.
“Ndjesë që ju bëra të lexoni dhjetra e dhjetra “lajme” saktësisht nën të njëjtin titulll fyes. Jam i bindur, askush s’ka asgjë personale me mua, por etja për klikime bën që të mos konsiderohet asgjë. Për etikë nuk bëhet fjalë”- shkroi Kikia.
Por, ku mbeti etika e gazetarit të shitur, që kësaj here mori nga hiçi edhe rolin e analistit, duke e ofenduar një artist, arritjet e të cilit s’janë të pakëta me fjalët “një produkt televiziv pa asnjë vlerë artistike”?
Opinioni është i lirë për këdo, por në këtë rast, Kikia hodhi gurin dhe fshehu dorën! (Fshiu statusin) Ai nuk dha thjesht opinionin e tij, por një ofendim të cilin nuk e pranon mbrapsht megjithëse e meriton, kur njerëzit i kthehen për fjalët dhe gazetarinë e tij të shitur!
I bëjmë thirrje profesorit të reflektojë, sepse jo çdo media apo gazetar është pjesë e llumit të tij! Ka gazetarë me etikë pune, etikë komunikimi, etikë opinioni dhe etikë morale, aq sa të mos shiten për pak më tepër para!
Me këtë shembull, Kikia vazhdon të zhgënjejë çdo ditë studentë dhe ish-studentë që i mëson si të bëjnë gazetari! Më mirë t’i mësojë si të mos e ushtrojnë profesionin si ai!
