Prej disa kohësh është vënë re se këngëtari i dashur për publikun, Flori Mumajesi është ‘zhdukur’ pa lënë asnjë gjurmë.
Pas fitores së tij në “Kënga Magjike” të gjithë po prisnim një verë të suksesshme të mbushur me projekte muzikore, por që nuk erdhën kurrë.
Vera po përfundon dhe Flori nuk ka publikuar ende asnjë këngë. Ai ka preferuar të kalojë disa muaj të qetë larg rrjeteve sociale, mediave dhe angazhimeve profesionale.
Por meqenëse Flori nuk i kthen askujt përgjigje, fansat e tij të shqetësuar i janë drejtuar mikut të tij, Klajdi Harunit.
Nëpërmjet një pyetje në Instastory ata e pyesin këngëtarin ku është Flori dhe Klajdi u ka dhënë përgjigjen epike.
Ai ka publikuar një video legjendare të Edi Ramës i cili thotë, “Çfarë ka? Çfarë ka ndodhur? Pse gjithë ky interesim?”
Mesa duket Flori e ka ndarë mendjen që të mos japë asnjë informacion dhe për këtë e mbështesin edhe miqtë e tij.
