Numërimit mbrapsht i ka ardhur fundi dhe “Big Brother Vip” ka nisur transmetimin.
Teksa kurioziteti është i madh për të mësuar ambientet e kësaj shtëpie, janë zbuluar dhe vendi ku do të izolohen banorët që do të thejnë rregullat e vëllait të madh.
Një kthim pas në vitet e errëta të Shqipërisë të japin pamjet e dekorimit të këtyre ambienteve, ku do të dënohen personazhet VIP.
Ajo që mori shumë vëmendje ishte look-u që Arbana kishte zgjedhur për natën e sotme.
Me një fustan të kuq, flokët onde dhe një make up shumë natyral mund të themi se moderatorja po shkëlqen.
Kujtojmë se pak orë para nisjes së programit, produksioni “ka lëshuar dorën” dhe ka vendosur që të bëjë publike emrat e dy banorëve.
Më herët u konfirmua zyrtarisht emri i konkurrentes së parë që është pjesë e programit. Bëhet fjalë për aktoren e njohur Arjola Demiri, emri i të cilës është përfolur prej javësh në mediat rozë.
Së fundmi, produksioni ka zbuluar një tjetër emër të njohur.
Producentja e “Big Brother Vip”, Lori Hoxha ka zbuluar për Instagram-in e këtij “reality show” se banori i dytë që do të bëhet pjesë e shtëpisë më të famshem në Shqipëri do të jetë balerini i njohur, Ilir Shaqiri.
Ndërkohë deri në këto momente i janë bashkuar “BBV” Sheila Haxhiraj, Donald Veshaj si dhe Ilir Shaqiri.
Po ashtu, më herët Arbana Osmani ka zbuluar se dy opinionistët e këtij edicioni janë Arbër Hajdari dhe Balina Bodinaku.
/iconstyle.al
