Para se të largohej përfundimisht nga “Për’puthen”, Atdheu zbuloi një ngjarje të fshehtë që ndezi një debat të fortë në studio. Ai tregoi se kishte shkëmbyer një puthje me Antonelën dhe se nuk mund t’i duronte dot më skenarët e saj me Mevlanin dhe Ledjanën. Antonela e pranoi dhe vetë se mes tyre kishte pasur një puthje, që sipas saj Atdheu ja kishte rrëmbyer dhe tha se kishte ndodhur në fillimet e saj në “Për’puthen”.
Debati i madh që u hap në studio pas këtij zbulimi u bë shkak që Atdheu të largohej edhe nga emisioni.
“Të dashur miq! Më vjen keq për shumë info të pavërteta që mund të keni dëgjuar këto ditë, për situatën e krijuar kur figura ime kinse ka dashur të përbaltet por nuk do të munden dot. Një sqarim për dashamirësit e mi: Atdheu nuk është pezulluar nga emisioni, por jam larguar vetë me dëshirën time për mos t’u bërë pjesë e llumit. Ju falenderoj për mbështetjen e do të jem gjithnjë transparent me ju!”, u shpreh ai.
Së fundmi, autorja e këtij program, Olsa Muhameti, ka zhvilluar një bisedë virtuale me ndjekësit ku nëpërmjet pyetjeve të ndjekësve ka zbuluar se këtë të hënë do të ketë një rikthim të Atdheut në “Për’puthen”.
“I drejtpërdrejtë, @atdhe_xharavina ka një rikthim nesër”, i është përgjigjur ndjekësit që e pyeste se çfarë mendimi ka për Atdheun.
Fansat u bënë kuriozë dhe dhanë dhe më tej opinionet e tyre në lidhje me ish-konkurrentin.
“Olsa ktheje Atdheun prapë nëpër emisionet tuaja se kemi dëshirë ta shohim. Respekte”, shkruan ndjekësi.
“…Që nga vendimi i pezullimit, Atdheu ka një rikthim nesër dhe një përballje. Për më shumë ndiqni “Për’puthen” nesër në 18:20”, i është përgjigjur Olsa.
