Kryetarja e komunës së Preshevës, Ardita Sinani, nuk u step nga rreziku i një gjobe nga autoritetet serbe dhe vendosi të valëvisë flamurin kombëtar shqiptar në ndërtesën e institucionit që drejton.
Me këtë veprim, Sinani dërgoi një mesazh të fortë për të shprehur zhgënjimin e saj lidhur me faktin që shqiptarët në Serbi vazhdojnë të jenë të privuar nga e drejta për të përdorur flamurin e tyre kombëtar.
Në fjalimin e mbajtur për këtë rast, ajo nënvizoi se këtë vit, për herë të parë, festa organizohet nga Ambasada e Republikës së Shqipërisë, duke e cilësuar këtë si një hap të rëndësishëm drejt unitetit. Ajo theksoi vendosmërinë për të vijuar përpjekjet për barazi dhe respekt, duke e cilësuar këtë betejë si thelbësore për të drejtat e shqiptarëve në Luginën e Preshevës.
