Kryeministrja e Italisë, Giorgia Meloni qëndroi disa ditë në Vlorë me bashkëshortin Andrea Giambruno, vajzën Ginevra dhe motrën e saj Arianna e bashkëshortin Francesco Lollobrigida.
Top Channel ka siguruar pamje nga pushimet e saj dhe të familjarëve. Siç shihet, Meloni ka shëtitur përgjatë bregdetit shqiptar vetëm përmes detit dhe nën masa të rrepta sigurie.
Mediat italiane aludojnë edhe për një takim të saj me Tony Blair duke iu referuar vizitës së tij në Shqipëri në të njëjtën kohë me kryeministren italiane.
Pak ditë më parë Meloni ndërpreu pushimet e saj në një fermë në zonën e Puglias dhe u nis nga Brindizi me një traget linje drejt Vlorës. Po atë ditë me helikopter erdhi në Shqipëri edhe ish- kryeministri britanik, Tony Blair.
